為了弟弟放棄興趣,為了讓家人驕傲而選港姐!「MK港姐」馮盈盈內裡孝順的一面更值得你注意~

為了弟弟放棄興趣,為了讓家人驕傲而選港姐!「MK港姐」馮盈盈內裡孝順的一面更值得你注意~

By POP-OL on 25 Jun 2018

2016年港姐冠軍馮盈盈喺《果欄中的江湖大嫂》入面飾演MK妹,而現實當中其實佢都成日比人話「MK港姐」,不過,佢率真同有義氣嘅性格喺現代社會中的確已經好難見到,除此之後,馮盈盈仲係一個孝順父母,又愛錫弟弟嘅好家姐!

crystalfyy@Instagram
Photo from crystalfyy@Instagram

馮盈盈有一個弟弟,佢非常愛錫弟弟,甚至視弟弟嘅健康比自己嘅前途更加重要!馮盈盈由細到大讀書成績就好優異,當年會考仲取得28分嘅佳績,用咁樣嘅成績去報大學,唔洗問都知有好多選擇,但佢一早就已經決定好要選讀港大營養學系。

crystalfyy@Instagram
Photo from crystalfyy@Instagram

馮盈盈雖然係一個「吃貨」,但選修營養學嘅主因當然唔單單因為咁樣啦!弟弟佢由自小就患有腎炎,有一段好長嘅時間唔可以外出用餐,嚴重嘅時候只可以食清菜同埋白烚肉,因為想好好照顧弟弟嘅飲食,終是馮盈盈就決定要成為一個營養專家。

crystalfyy@Instagram
Photo from crystalfyy@Instagram

馮盈盈起初係為咗弟弟嘅健康而進修營養學,但後來呢項專業, 卻有助訴佢照顧父母嘅生活。當佢留意到父母年紀開始大,身體出現一啲小毛病,佢就憑住讀書所學嘅知識提點佢地要注意飲食,當初一個決定,卻令全家受益!

crystalfyy@Instagram
Photo from crystalfyy@Instagram

馮盈盈一向快人快語,比人嘅印象毫無機心,即使喺接受媒體訪問嘅時候,佢都一樣坦率。記者問佢想唔想男朋友喺生日嘅時候送鑽戒,佢就話:「鑽石要等求婚打大佬先送。」可見佢其實係一個好務實嘅女仔,唔會貪圖多餘嘅物質。

crystalfyy@Instagram
Photo from crystalfyy@Instagram

馮盈盈知道咩野係自己所需要嘅,同時有非常明確嘅目標。佢一直努力讀書,本應可以成為營養師,成家立室養兒育女,就已經可以令父母好安慰。但馮盈盈覺得唔足夠,佢希望自己可以 出人投地,做一件父親會為佢感到驕傲嘅事,呢個想法成為佢大學畢業前參選港姐嘅動力。

crystalfyy@Instagram
Photo from crystalfyy@Instagram

後來佢嘅努力並無白廢,先後勇奪港姐冠軍后冠、「現場最受歡迎獎」以及2017年國際中華小姐季軍。成名本應高興,但呢件快樂嘅背後馮盈盈感到一絲絲內疚, 因為家人要同佢一齊承受作為公眾人物嘅壓力。

crystalfyy@Instagram
Photo from crystalfyy@Instagram

馮盈盈亦有講過佢為自己嘅脾氣感到懊悔,入行之後成日做完野都會好攰,番到屋企都唔想開口講野,就算講野,語言都係無咩感情。雖然家人都無埋怨過,但佢有自我反思,並向父母保證自己性格無變過,仍然係嗰位會買美食比弟弟嘅好姐姐,佢掙到錢會比家用,仲會同家人去旅行。

crystalfyy@Instagram
Photo from crystalfyy@Instagram

螢幕上我地睇到嘅只係馮盈盈爽直嘅一面,但內裡孝順、愛錫家人嘅佢,更加值得我地注意同學習!

crystalfyy@Instagram
Photo from crystalfyy@Instagram

Text:POP-OL Editorial

Photo source:Instagram

Share to Facebook